બોલિવૂડની આ અભિનેત્રીઓએ ફિલ્મ નિર્માતાઓ પર જાતીય સતામણીનો લગાવ્યો હતો ગંભીર આરોપ, જાણી લો કોણ કોણ છે શામેલ

સાજિદ ખાન

વર્ષ 2018 માં મીટુ આંદોલન દરમિયાન ફિલ્મમેકર સાજિદ ખાન પર ઘણી મહિલાઓ દ્વારા જાતીય સતામણીનો આરોપ મૂકવામાં આવ્યો હતો. જે પછી સાજિદે તેના ફિલ્મ પ્રોજેક્ટ્સમાંથી બહાર નીકળવું પડ્યું હતું. હવે ફરી એકવાર ફિલ્મ નિર્માતા સાજીદ પર આરોપ લગાવવામાં આવી રહ્યા છે. હવે એક મોડેલ પૌલાએ સાજિદ ખાન પર હેરાનગતિનો આરોપ લગાવ્યો છે. જેની માહિતી તેમણે સોશિયલ મીડિયા દ્વારા આપી છે.

રાજકુમાર હિરાની

ફિલ્મ ઉદ્યોગના પ્રખ્યાત દિગ્દર્શકોમાંના એક રાજકુમાર હિરાની, વર્ષ 2018 માં મીટુ આંદોલનમાં આવ્યા હતા. તેના એક સહાયક ડિરેક્ટર પર મિટૂનો આરોપ મૂકાયો હતો, જે તેણે ખોટું હોવાનું જણાવ્યું હતું.

સુભાષ ઘાઈ

ફિલ્મમેકર સુભાષ ઘાઈ પર મીટુ અભિયાનને કારણે જાતીય સતામણીનો આરોપ મૂકાયો હતો. અભિનેત્રી કેટ શર્માએ આરોપ લગાવ્યો હતો કે સુભાષ ઘાઈએ તેને બર્થડે પાર્ટીમાં બોલાવી અને કેક કાપ્યા પછી સુભાષે કેટને બધાની સામે બોડી મસાજ કરવા કહ્યું હતું. તે પછી સુભાષે ઓરડામાં વાત કરવા બોલાવી અને દબાણ કરવાની કોશિશ કરી હતી.

સુભાષ કપૂર

2014 માં અભિનેત્રી ગીતીકા ત્યાગીએ સુભાષ કપૂર પર જાતીય સતામણીનો આરોપ લગાવ્યો હતો. ગીતિકા સુભાષ કપૂરને થપ્પડ મારતો વીડિયો પણ સોશિયલ મીડિયા પર શેર થયો હતો. આ મામલો મે 2012 નો છે.

વિવેક અગ્નિહોત્રી

તનુશ્રી દત્તાએ ડિરેક્ટર વિવેક અગ્નિહોત્રી પર જાતીય સતામણીનો આરોપ લગાવ્યો હતો. વર્ષ 2018 માં એક ઇન્ટરવ્યુ દરમિયાન તનુશ્રીએ કહ્યું હતું કે તેણે તેને ઇરફાન ખાનની સામે કપડાં ઉતારવા અને નાચવાનું કહ્યું હતું.