દક્ષિણ ભારતીય સિનેમા ના સુપરસ્ટાર રામ ચરણ ને ભગવાન અને ધર્મ માં ઊંડી શ્રદ્ધા છે. પોતાના કામ માં મગ્ન હોવા છતાં રામ ચરણ ભગવાન ની પૂજા કરવા નું ભૂલતા નથી. માત્ર રામ ચરણ જ નહીં તેમની પત્ની ઉપાસના પણ ધર્મ અને ભગવાન માં ઊંડી શ્રદ્ધા ધરાવે છે.
રામ ચરણ ઘણીવાર ધર્મ તરફ ઝોક ધરાવતા જોવા મળે છે. ફરી એકવાર તેમના તરફ થી કંઈક આવું જ જોવા મળી રહ્યું છે. વાસ્તવ માં વાત એ છે કે રામ ચરણ અને તેની પત્ની ઉપાસના ની એક તસવીર સોશિયલ મીડિયા પર ખૂબ વાયરલ થઈ રહી છે. આ તસવીરે સૌના દિલ જીતી લીધા છે.
હાલ માં જ રામ તેની પત્ની ઉપાસના સાથે ઓસ્કાર એવોર્ડ માં હાજરી આપી હતી. ઉલ્લેખનીય છે કે, રામ ની ફિલ્મ ‘RRR’ ના ગીત ‘નાટુ નાટુ’ ને ઓસ્કાર એવોર્ડ મળ્યો હતો. આ પ્રસંગે રામ અને તેની પત્ની ઉપરાંત ફિલ્મ ની ટીમ પણ હાજર હતી. ઓસ્કાર એવોર્ડ માં સામેલ થતા પહેલા રામે તેની પત્ની સાથે ભગવાન ની પૂજા કરી હતી.
રામ ચરણે ઓસ્કાર માં હાજરી આપતા પહેલા તેમની પત્ની સાથે ભગવાન ના આશીર્વાદ લીધા હતા. બંને ની તસવીર અને વીડિયો સોશિયલ મીડિયા પર ચર્ચા માં છે. ‘વેનિટી ફેર’ મેગેઝીને તેની યુટ્યુબ ચેનલ પર થી રામ અને ઉપાસના નો વીડિયો અપલોડ કર્યો છે. જેમાં બંને દેવતાઓ શ્રી રામ, લક્ષ્મણજી અને હનુમાનજી ની પૂજા કરતા જોવા મળે છે.
રામ કહે છે કે તે જ્યાં પણ જાય છે તેની સાથે એક નાનું મંદિર લઈ જાય છે. જ્યારે ઓસ્કાર એવોર્ડ માં હાજરી આપવા નો અવસર મળ્યો ત્યારે રામ અને ઉપાસના આ ખાસ અવસર પર તેમની સાથે એક નાનું મંદિર લઈને અમેરિકા ગયા. રામ ના આ વીડિયો ને લોકો ખૂબ પસંદ કરી રહ્યા છે.
રામ ચરણ યુટ્યુબ વિડિયો માં કહી રહ્યા છે કે, “હું અને મારી પત્ની જ્યાં પણ જઈએ છીએ, અમે ત્યાં એક નાનું મંદિર બનાવવા નું સુનિશ્ચિત કરીએ છીએ. આ એક પરંપરા છે, જે આપણ ને ભારત અને આપણી ઊર્જા સાથે જોડાયેલી રાખે છે. આપણા બધા માટે આ દિવસની શરૂઆત એ તમામ લોકો પ્રત્યે કૃતજ્ઞતા વ્યક્ત કરીને કરવી ખૂબ જ મહત્વપૂર્ણ છે જેમણે અમને અહીં આવવા માં મદદ કરી છે.”
રામ અને ઉપાસના ઓસ્કાર માં હાજરી આપતા પહેલા અને તૈયાર થયા પછી એક નાના મંદિર માં ભગવાન ની સામે હાથ જોડીને ઉભા જોવા મળે છે. આ પછી બંને એ એકસાથે ઘણી તસવીરો ક્લિક કરી છે.
